Na mítica cidade do Cairo, mentres os animais se afanan en preparar a inauguración do Gran Museo de Mascotas de Faraóns, alguén aproveita para roubar a xoia máis prezada: o colar do escaravello de ouro con rubís e esmeraldas…

Conseguirá Roger descubrir o culpábel?

Roger e o misterio do escaravello de ouro é a terceira entrega da serie do detective roedor máis afouto e audaz xamais coñecido. Unha nova historia de José Carlos Román cargada de misterio e, sobre todo, moito humor, acompañada das incríbeis e divertidísimas ilustracións de David Lorenzo, repletas de curiosos detalles que serán o deleite dos pequenos detectives da casa.